Ang serbisyo na Computerized / Online system ng Kagawaran ng Ugnayang Panloob (Ministero dell’Interno) - Kasunduan para sa Integrasyon

Ang isang mamamayan na mula sa isang bansa na hindi kabilang sa EU, na pumirma sa Kasunduan para sa Integrasyon sa pamamagitan ng computerized / online system ng Ministero dell’Interno (Kagawaran ng Ugnayang Panloob) na makikita at magagamit mula sa link na https://accordointegrazione.dlci.interno.it
ay maaaring:

• makita ang mga impormasyon na may kinalaman sa Kasunduan at anumang updates tungkol sa kanyang address o contact numbers;
• makita ang estado ng Kasunduan;
• magpa-rehistro sa pagsusulit ng kaalaman ng wikang Italyano/sibika kultura (kapag nag-umpisa na ang verifications ng pagtupad sa kasunduan na mangyayari 2 taon matapos ang pagpirma );

Mga hakbang na gagawin:
(mula sa:https://accordointegrazione.dlci.interno.it/Ministero/documentiAI/Istruz...)
Kung ang migrante ay hindi pa naunang magpa-rehistro upang ipadala ang mga data ng pamilya, at sa gayon ay magde-deklara ng mga nasabing data sa mismong operator sa oras ng pagpirma ng Kasunduan, siya ay bibigyan ng pansamantalang credentials.
Sa kanyang unang pag-gamit ng portal, sa pamamagitan ng pag-log in gamit ang mga pansamantalang credentials, siya ay ididirekta sa pahina na kung saan obligatory na hinihingi ang kanyang valid e-mail address at password (hindi bababa sa 8 characters, kahit mga espesyal, at may kahit isang number)
Ang operasyon na ito ay magreresulta ng pagpapadala ng isang e-mail sa e-mail address na ibinigay. Kailangang basahin ng nakatanggap ang e-mail at pindutin ang website na nakasulat dito para kumpirmahin.
Kung magiging maayos ang mga nakaraang operasyon, gagawin na ang registration ng bagong user na pwede nang makapasok sa website, gamit ang e-mail at password na isinulat.
Para sa user na pumirma sa Kasunduan para sa Integrasyon, kapag nakapag-log in na, makikita sa kaliwa ng screen ang nakasulat na item na "Accordo Integrazione" kung saan maaaring makita ang buong pahina na may mga detalyo. Ang mga makikitang data ay katugma ng sitwasyon sa oras ng pagpirma ng kasunduan at pinaghati-hati sa mga sumusunod na seksyon:

• Mga pansariling data o impormasyon
• Buod ng kasunduan (pagkakakilanlan ng kasunduan, petsa ng pagpirma, petsa ng pagkawalang bisa, estado ng kasunduan, petsa ng verification, risulta ng pagsusuri)
• Mga data na may kinalaman video seminar na obligatory (petsa, lugar, estado ng pagpapatalà)
• Mga data ng buong pamilya
• Mga data ng magulang o guardian (mayroon kung ang pipirma ay may edad na 16 hanggang 18 taon )
• Mga contact details: maaaring mabago ang mga ito, dipende sa pagiging obligatory ng isang bagay at ng kanilang pormal na nilalaman na tinatanggap; ang mga gagawing pagbabago ay agad na makikita sa system sa parte ng Kasunduan para sa Integrasyon
• Mga data na may kinalaman sa verification ng pagsunod sa Kasunduan (kabuuang bilang ng puntos na naipon o nabawas, tipo ng puntos na naipon o nabawas, paglalarawan ng dokumento ng puntos na naipon o nabawas, bilang ng puntos na naipon o nabawas)
• Mga data na may kinalaman sa pagpaparehistro para makakuha ng eksamen o pagsusulit sa kaalaman ng wikang italyano. Mula sa section na ito ay maaaring magpa-rehistro para sa pagsusulit ng wikang italyano, sa pamamagitan ng pagpili sa key na “Richiesta Prenotazione”; Kukunin ng system ang kahilingan, at ipapa-reserve ang pwesto as soon as meron nang available. Ang mga data ng pagpapa-reserve (petsa at oras, lugar at estado) ay makikita sa website kapag nakapag-request na.

Mga data na may kinalaman sa pagpaparehistro sa eksamen o pagsusulit sa kultura sibika. Mula sa section na ito, maaaring ipa-reserve ang pagsusulit sa kaalaman sa kultura sibika sa pamamagitan ng pag-select sa “Richiesta Prenotazione”; Kukunin ng system ang kahilingan, at ipapa-reserve ang pwesto as soon as meron nang available. Ang mga data ng pagpapa-reserve (petsa at oras, lugar at estado) ay makikita sa website kapag nakapag-request na.
Sa pamamagitan ng nasabing computerized / online system ay matatagpuan din ang isang form ng pagpapadala online ng mga data ng buong pamilya (form CNF) kung saan, matapos ang pagpapadala ng application ng nulla osta ng employer, ang trabahador ay maaaring magpadala ng mga data ng kanyang pamilya upang idagdag sa mga impormasyon na kailangan para sa pagpirma ng Kasunduan para sa Integrasyon.
Para sa pagkumpila nito, kailangang mag-log-in at pumunta sa section na "Richiesta Moduli" (Modulo "CNF").